كلمة وحدة ودخل وشوف

عندي وياكم بس هالكلمة
حبيت اكتب الكم كلمة
يمكن تسمع مني الكلمة
ومن تسمعهة تستغرب منهة
راح أحجي بس لا تتعجب
وتزعج روحك أو تتعصب
عمرك شفت الوان بضلمة
والغربان الكل ملتمة
تتقاسم برواح الناس
هذا يفجر ذاك ينافق
وباقي الغربان اتهاجمنة
تاكل بجزاء الميتين
والسالم واكف يتفرج
عالدم يسيل من اسنين
مايهتز برمشة وشعرة
ولا يرهب من الله وعرشة
الغربان
الغربان من الخارج جتنة
وية الغربان الي عدنة
صارو فرقة شر وقسوة
ومنهم لاحتهم عدوة
عندي وياكم بس هالكلمة
تتفرع بفروع الزحمة
هم تصرخ وما تلكة اليسمع
وصرخاتك لجروحك ترجع
هم فد يوم اطفالك ماتت كدامك (لا سامح الله)
وتباوع محد يهتم بحالك
هم بيتك اخذوه بالقوة
والماي التشربة ما روة
هم صادف بمرض انصابيت
وبمرضك وحدك تتلوة
هم زار العوز انتة اجيوبك
ومديت ايدك لبن ادم ولحوة
لا تتضايق من كلماتي
ارجوك افهم كل حسراتي
دمرتنة الايام ومتنة
وخلي انكمل وي سائلنة
هم عشت وي اهلك بالغربة
واقصد ببلادك غربة
ما صارت بيك ولا بيهم
بس وي غيرك صدك صارت
اني الماتت كل اورادي
اني المجروح اعراقي
اني المحتار بمشكلتة
اني الباكو كل قافلتة
اني الذبحو كل اطفلي
حتى الطفل الما شفتة
اني الناس الحلفو بية اعراقي وكلي ارجولية
اني الطوقتني الالغام

والخوف من الموت انزعتة
واني الصوتي دوووووم ايردد
كلا كلا للشيطان
كلا كلا للشيطان
اني الحارت بية هواي
وصوتي اليرعبهم صمتة
بس ااااااااااااااااااااااااااااااااه
بس اخذوني بوكة وسكتة
يا بيت ايوصف احزاني
والمر والزقوم اشربتة
عندي وياكم بس هالكلمة
بس هالكلمة
بس هالكلمة
ياكلمة
ياكلمة
وين الكلمة
وين الكلمة
ااااااااااااااااااااااااااااه
ااااااااااااااااااااااااااااه
ضاعت كلماتي بأوراقي
واعذرني ياقارء ابياتي
صار اسنين واحنة بمحنة
وما نعرف يمتة اتزيل الغمة
راحت اعيادي وافراحي وكلمن مشغول بهمة
جنة اطفال نركض مرتاحين
وهسة الاطفال الكل مجروحين
جنة انحضر دار ودور
واقرة نشيد المشهور
وهسة الاطفل بجد تعمل
حتى اتحصل بس الخبزة
والطفل يردد ويكول تعرف شيكول
ياربي برزقك مشكور مشكور مشكور
ياربي برزقك مشكور
ويحب ايدة بوجه وشوف
لان حصل عيشة يوم
وميفكر يشريلة اهدوم
بخوانة فكرة مشغول
عندي وياكم بس هالكلمة
يا كلمة
وين الكلمة
ما ضلت التنكال
ومنهة احنة نضرب امثال
مشتاقين انشوف الناس
واكعد وياكم اتمنة